ورنہ میری کیا حقیقت اور میرا کیا شعور

آپ جب آئے چراغِ آگہی روشن ہوئے

آپ کی آمد نہیں ہوتی تو کیا آتا شعور

جا بہ جا سرکار کے جلوے ہی جلوے دیکھیے

دل کی آنکھیں چاہئیں کیسا شعور و لاشعور

آپ کے آنے سے پہلے بے شعوری عام تھی

آپ کی آمد سے انساں میں ہوا پیدا شعور

حشر میں بھی نعت ہی پہچان بن جائے مری

ہو عطا ایسا مجھے بھی اے شہِ بطحا شعور

آپ کے اوصاف لفظوں میں بیاں کیسے کروں

آپ کی مدحت میں عاجز ہی رہا میرا شعور

اُستوانہ آپ کی فرقت میں روتا ہی رہا

آپ کی قربت سے اُس بے جاں میں بھی اُبھرا شعور

نعت خوانی بھی عبادت ہے ادب سے کیجیے

مجھ سے کہتا ہے یہی ہر شعر پر میرا شعور

لاکھ الفاظِ چنیدہ سے کہی نعتِ نبی

پھر بھی خاکیؔ اس چمن میں خاک ہی ٹھہرا شعور