مری نظریں بھی دیکھیں گی وہ جوبن آپ کا ارفع

جہاں مجرم کھڑے ہوں گے پکڑ کر آپ کا دامن

وہاں پر بھی بچا لے گا وہ دامن آپ کا ارفع

گھرانے سارے نبیوں کے ہوئے ارفع رہے اعلیٰ

مگر سب ہی گھرانوں سے نشیمن آپ کا ارفع

تناول کھانا فرماتے وہ جس مٹی کے برتن میں

ظروفِ سیم و زر سے ہے وہ برتن آپ کا ارفع

نواسے کھیلا کرتے تھے وہ جس گلشن میں آقا کے

وہ کوچہ بھی محلہ بھی وہ آنگن آپ کا ارفع

پکڑ کر آپ نے بازو کیا اعلان حیدر کا

امانت سے ولایت سے ہے بندھن آپ کا ارفع

شبِ معراج رب کے روبرو بیٹھے تو ثابت ہے

ملائک سے خلائق سے ہے تن من آپ کا ارفع

ملائک آسماں سے حاضری کے واسطے آئیں

جہاں بھر کے مزاروں سے ہے مدفن آپ کا ارفع

خدا کا شکر ہے قائم بھی ہے آقا کی امت میں

خدا کا شکر ہے تھاما ہے دامن آپ کا ارفع