ترے بوہے تے کھڑیاں نیں بہاراں سِر نوا کے

فدا مہکار زلفاں توں فدا انوار مکھ توں

تلی توں فیض پایا اے نکھاراں سِر نوا کے

فلک اڈیاں نوں چا چا کے مِری راہواں نوں تکدا

ترے ناں دا وظیفہ جے چتاراں سِر نوا کے

مِرے نیناں دی دھرتی اُگ پئے اتھرو بتیرے

تری یاداں دیاں چلیاں جھلاراں سِر نوا کے

مکاناں لا مکاناں تے مِرا وجدا نقارا

جدوں ہولی جیہا تینوں پکاراں سِر نوا کے

تصور وچ ترا جلوہ تسلی آ کے دیندا

جدوں چیتے میں رو رو کے وساراں سِر نوا کے

خیالاں وچ ترے در تے کئی اعجازؔ آقا

کھڑے بن کے قطاراں ای قطاراں سِر نوا کے