دل کے ہر موڑ پہ طوفان نہاں ملتے ہیں
ہر قدم پر تری یادوں کے نشاں ملتے ہیں
Tag: دل
آج مرجھا گیا ہے اپنا دل
ہم خدائے بہار ہوتے تھے
ہم نشیں کشمکشِ عشق کا کچھ حال نہ پوچھ
کوششِ ضبط پہ بھی آہ نکل جاتی ہے پھر پلٹ کر نہیں آتی یہ سمجھ لے پیارے دل سے اک بار اگر چاہ نکل جاتی ہے
ہر گھڑی دل پہ یاس طاری ہے
ہائے کیا زندگی ہماری ہے
گو تُم نہیں ہو پہلوئے عاشق میں آج کل
لیکن تمہاری یاد ہے دل میں بسی ہوئی
مٹ چلے ہیں دل سے کچھ کچھ داغ ہائے آرزو
پھر چمک اٹھیں نہ اس ظالم کو ہنستا دیکھ کر
اہلِ دل کا نہیں اس دور میں پُرساں کوئی
لیے بیٹھا ہے متاعِ غمِ پنہاں کوئی فکرِ پوشیدگیِ راز میں ہیں دیوانے سی رہا ہے کوئی دامن تو گریباں کوئی
دل چھوڑ کر جگر کو ستانے سے فائدہ ؟
وہ بھی غریب دل کی طرح بے زبان ہے
موسمِ گل کا تذکرہ نہ کرو
دلِ مرحوم یاد آتا ہے اس کی محفل میں یارب ہے دل شاد جاتا ہے ، شاد آتا ہے
یہی وہ وقت ہے جب حسبِ وعدہ کوئی آئے گا
یہ ان قدموں کی آہٹ ہے یا دل میرا دھڑکتا ہے