یہ بھی کیا طرزِ دلربائی ہے
دل کی فریاد دلربا نہ سنے
Tag: دل
دل میں کسی کو رکھو دل میں رہو کسی کے
سیکھو ابھی طریقے کُچھ روز دلبری کے آئے اگر قیامت تو دھجّیاں اُڑا دیں پھرتے ہیں جستجو میں فتنے تری گلی کے
جب سے گم ہوگیا ہے دل اپنا
چیز رکھتا ہوں بھول جاتا ہوں
اپنے دلِ تباہ کا مجھ کو نہ کچھ ملال تھا
تیرے خیال نے مگر رات رُلا رُلا دیا
چشمِ تر چھڑکاؤ کرتی رہ گئی
یار کے دل میں غبار آ ہی گیا
میرے دل کی لگی نہیں بجھتی
برف میں دل لگا کے دیکھ لیا
پردے سے پوچھتے ہو ترا دل کہاں ہے اب
پہلو میں میرے آؤ تو کہہ دوں یہاں ہے اب
ستم میں بھی تکلف کر رہے ہیں آج وہ شاید
تڑپ بڑھ کر میری وجہِ سکون دل نہ بن جائے
پھر ذکرِ رونقِ شبِ ماہتاب آ ہی گیا
سامانِ وحشتِ دلِ بیتاب آ ہی گیا
سوچتا ہوں کہ کہیں تم تو نہیں آ نکلے
ایک ہلچل سی مچی رہتی ہے جب دل کے قریب اپنی کوتاہیٔ دانش کا گلہ کیا کیجیے بارہا ہم بھی گئے تھے درِ زنداں کے قریب