سیاہ بستی سے جب محبت کی کھوج میں گھڑ سوار آئیں
سیاہ بستی سے جب محبت کی کھوج میں گُھڑ سوار آئیں تمہیں تمہاری قسم ، مری آخری نشانی چُھپائے رکھنا
Tag: عشق بخیر
کچھ ایسے لمحۂ موجود میں پیوست ہے ماضی
پرندے اُڑ گئے، پھولوں پہ اُن کے سائے باقی ہیں
کیے ہجّے ، پڑھی میں نے محبت
محبت ، میم حے بے تے ، محبت
دل بضد تھا کہ مجھے غم سے پِگھل جانے دے
پھر تری یاد نے سمجھایا کہ چل جانے دے
گلی سے ہجر گُذرا ہے یقیناََ
محبت بیٹھے بیٹھے ڈر گئی ہے
مگر پھر ایک دن اُس سے مِلا میں
مجھے لگتا تھا حیرت مر گئی ہے
وہی ماتھا ، وہی آنکھیں ، وہی ہونٹ
تمہاری یاد بھی تُم پر گئی ہے
تمام حالِ دلِ زار تُو تو جانتا ہے
میں کیا بتاؤں تجھے یار! تُو تو جانتا ہے
نظر پڑی ہے تو جی بھر کے دیکھ لو فارس
وہ کم نُما نظر آتا ہے بار بار کہاں
سجدے میں آ گیا تھا کوئی اور ہی خیال
پڑھنا پڑی نمازِ محبت شروع سے