طیبہ کی مسافت میں ہے اک کیفِ مسلسل
اس راہ میں ہوتا نہیں کم اور زیادہ
Category: نعتیہ اشعار
محمد سے جدا ہو کر خدا کو کس نے پہچانا
بیاں کر مجھ سے اے زاہد اگر جانا تو کیا جانا
کیا رنگ دکھاتی ہے محمد کی تجلی
آتا ہے نظر چاروں طرف روئے محمد
فرقت سے اشکبار ہوں یا احمد الغیاث
مدت سے دلفگار ہوں یا احمد الغیاث آنکھوں سے چل کے آؤں اگر حکم دیجیے بیخود ہوں بیقرار ہوں یا احمد الغیاث
عزیزؔ اس کی اطاعت ہے خدائے پاک کی طاعت
وہی اللہ کا بندہ ہے جو بندہ ہے محمد کا
کس میں ہے یہ کرامتِ معجز نما عزیزؔ
تر دامنی کے ساتھ خدا سے ملا دیا
نورِ احمد کی حقیقت ہے یہ جو کچھ ہے عزیزؔ
حق کو منظور اسی شکل میں اظہار ہوا
وہی طیبہ سے دوری کا مسلسل دھیان ہے دل کو
یہ شب بیمار پر بھاری جو آگے تھی سو اب بھی ہے
کبھی تو کاش وہ دربار میں بلا بھیجیں
میں کہہ سکوں میرے آقا ! ’’غلام حاضر ہے‘‘ نثار کرنے کو کچھ اور تو نہیں رکھتا میں جان دے دوں اگر یہ پسندِ خاطر آئے
میں اکثر سوچتا رہتا ہوں اے کونین کے مالک
میں اکثر سوچتا رہتا ہوں اے کونین کے مالک تری جنت مدینے سے کہاں تک مختلف ہو گی