ہر اشک ان کے در پہ مرے کام آ گیا
تصویر میں نے کھینچ لی رحمت کے باب کی
Category: نعتیہ اشعار
جب نظر اٹھتی ہے سرکار کے روضے کی طرف
دیر تک دل کے دھڑکنے کی صدا آتی ہے
انوار کی بارش ہے سرِ منزلِ طیبہ
ہر منظرِ خوش دیکھ کے آتا ہے خدا یاد
چند اشکوں کے سوا دامنِ دل میں کیا ہے
ہدیہ دربارِ نبی میں کوئی کیا لے جائے
جہاں جہاں ہے کوئی فیض یاب ہے اس سے
ضیا فگن ہے فضا میں حضور کا پرچم
تیرے جلووں سے ہے شاداب جہانِ کہنہ
سب زمانے مرے آقا ہیں زمانے تیرے
جس میں ہو اسوۂ محبوبِ دو عالم کی جھلک
ایسی صورت کوئی آئینۂ کردار میں ہو
مجھ کو ہر شعر پہ ملتی ہے کرم کی خیرات
میری ہر نعت میں اک لطف نیا ہوتا ہے
اس سے مقصود ہے اپنی ہی بھلائی ورنہ
کس سے حق نعتِ پیمبر کا ادا ہوتا ہے
کیسا شرف کیا ہے خدا نے عطا مجھے
مداحِ مصطفیٰ کا لقب مل گیا مجھے