وہیں پر برق گرتی ہے جہاں اپنا نشیمن ہو
کہاں تک اب بھلا ہم روز شاخِ آشیاں بدلیں عجب کیا ہے کہ اب کچھ ہم قفس صیاد بن جائیں قفس والوں سے یہ کہہ دو کہ اندازِ فغاں بدلیں
Category: اشعار
قبضہ ہے میرے ہاتھ پہ نادیدہ ہاتھ کا
خود پر چلا نہیں رہا تلوار خود سے میں پیدا ہوا ہوں جب سے مری خود سے جنگ ہے ڈرتا ہوں مان لوں نہ کہیں ہار خود سے میں
وہ اہلِ زر بزعمِ کبریائی کچھ نہیں دیتا
بہت سا کام لیتا ہے ، کمائی کچھ نہیں دیتا ترا چہرہ ہی اب تو بن گیا ہے میری بینائی نہ جب تک سامنے تو ہو ، دکھائی کچھ نہیں دیتا
تیرے لبوں سی نزاکت ہے پنکھڑی میں کہاں
تیرے لبوں کو کبھی پنکھڑی کو دیکھتے ہیں اگرچہ بزم میں بیٹھے ہیں خوش جمال کئی سب اہلِ بزم مگر اک اُسی کو دیکھتے ہیں
یارب طلب نہیں کہ مال و منال دے
شاعر ہوں مجھ کو شعر و سخن میں کمال دے اس کے سوا نہیں ہے طلب کچھ سکون کی اک آگہی جو قلب و نظر کو اجال دے
اُن کو تو ہم نے چاہا وہ یوں ستا رہے ہیں
اے چرخ کینہ پرور تو کیوں ستا رہا ہے؟ کوچے میں دشمنوں کے ہم اور سجدہ کرتے نقشِ قدم کسی کا سر کو جُھکا رہا ہے
وعدۂ حشر ہے پھر وہ بھی زمانے بھر سے
کوئی دامن نہ پکڑ لے سرِ محشر دیکھو اُن کو دشمن سے جو اُلفت ہے پروا نہ کرو اے رساؔ تم بھی کسی اور پہ مر کر دیکھو
بلا سے غیر کے در پر کرینگے ہم جبیں سائی
اگر مرضی تری اے کاتب تقدیر ایسی ہے بوقتِ ذبح قاتل کا بڑھایا دل یہ کہہ کر کہ تُو قاتل ہے ایسا اور تری شمشیر ایسی ہے
دل میں کسی کو رکھو دل میں رہو کسی کے
سیکھو ابھی طریقے کُچھ روز دلبری کے آئے اگر قیامت تو دھجّیاں اُڑا دیں پھرتے ہیں جستجو میں فتنے تری گلی کے
شعر وہ لکھو جو پہلے کہیں موجود نہ ہو
خواب دیکھو تو زمانے سے الگ ہو جاؤ نیند میں حضرت یوسف کو اگر دیکھا ہے عین ممکن ہے گھرانے سے الگ ہو جاؤ