ہر شہر کو نہ قالبِ جنت میں ڈھال دے
آدم کو اس جہاں سے بھی یارب نکال دے میں جا رہا ہوں رقص کُناں بزمِ سوئے دوست کونین کو کوئی مرے قدموں میں ڈال دے
Category: شاعری
اِدھر سے ہو کے گزرتی تو ہم بہار کے ساتھ
غزال بن کے غزالوں کی جستجو کرتے
اٹھا ساغر کہ مذہب ہے تو دینِ مے گُساراں ہے
یہاں مسجودِ شب بھر دولتِ سجدہ گُزاراں ہے یہاں تا صبح ہے تسبیحِ گیسو دستِ رنداں میں یہ مے خانہ نہیں صحبتِ شب زندہ داراں ہے
ہم جستجوئے حق میں جدھر سے گزر گئے
برپا وہیں قیامتِ دار و رسن ہوئی
ذوقِ گُل و سبو میں قباحت کی کیا ہے بات
ہم اس معاملے میں ذرا تیز ہی سہی
کیا سنواریں گیسوئے تحقیقِ حق
اور کُھل جاتے ہیں جوں جوں باندھیے
پھر پریشاں ہو کوئی زلفِ سمن بو اور ہم
رات بھر تحقیقِ اسبابِ پریشانی کریں
یوں زندگی پہ میری نظر ہے کہ جس طرح
اک جسمِ مرمریں کے نشیب و فراز پر
کھول کر بندِ قبائے گُل رُخاں
حمدِ ربِ لایزالی کیجیے
اپنا سبُو بھی آئینۂ جم سے کم نہیں
رکھیں جو روبرو ، خبر شش جہات دے