میں تو سچی بات کہہ سکتا ہوں اب بھی برملا
فرق آ جائے گا لیکن دوستوں کے درمیاں
Category: شاعری
جوہری کے پاس آ جائے تو جنسِ بے بہا
دستِ بے توقیر میں ہیرے کا ٹکڑا کچھ نہیں
کس کی تلاش ہے کہ ہر اک رہ گذر کو میں
یوں دیکھتا ہوں جیسے کوئی چیز کھو گئی
کتنے چہرے ہیں مرے گرد سوالوں کی طرح
کس کو اپناؤں ، کسے راہ کا پتھر جانوں
اُفق پر دھواں سا یہ کیا اُٹھ رہا ہے
ترے حق میں ظالم دعا ہو رہی ہے
گلستاں کا ہر گوشہ اپنے حال میں گُم ہے
بُوئے گُل کہاں ٹھہرے ، کس طرف صبا جائے ؟
سمجھ رہے ہیں کہ محفوظ ہیں بلاؤں سے
کمال یہ ہے کہ بیٹھے ہیں سب کگاروں پر
پلا شراب کہ فصلِ بہار ہے ساقی
جنوں کے دور کا کیا اعتبار ہے ساقی یہ لال لال سی شے جو بھری ہے مینا میں علاجِ گردشِ لیل و نہار ہے ساقی
اب سے نہیں اول سے ہوں مشتاقِ نظارہ
آنکھوں سے نہیں نیند مقدر سے اُڑی ہے
کوئی گھر ہی نہیں تو بے گھری کا زخم کیسا
سکونت کے لیے اک استعارہ ڈھونڈتے ہیں یہ دریا زندگی کا پار کیسے ہو کہ جب ہم کنارے پر کھڑے ہیں اور کنارا ڈھونڈتے ہیں