میں ہجـــــر کاٹنے والوں کے کام آتا ہوں
ہے میرے پاس اداسی کا بند و بست بہُت
Category: شاعری
خود سے فرصت ہی میسّر نہیں آتی ، ورنہ
ہم کســی اور کے ہوتے تو تمھـارے ہوتے
کہیـں میـں دیر سے پہنچـــوں تو یاد آتا ہے
کہیں میَں وقت سے پہلے بھی جایا کرتا تھا
آ کر جھنجوڑتی ہے ادھوری غزل مجھے
ہوتا نہیں ہوں نیند سے بیدار خود سے میں
موجودگی کو اپنی، بسر کر چکے ہوئے
زندہ ہیں گزرے وقت میں، سب مر چکے ہوئے
زادِ رہ اِس لئے باندھـــا ہے کہ یہ دیــــکھ سکیـــں
کیسے لگتے ہیں تجھے چھوڑ کے جاتے ہوئے ہم
قبضہ ہے میرے ہاتھ پہ نادیدہ ہاتھ کا
خود پر چلا نہیں رہا تلوار خود سے میں پیدا ہوا ہوں جب سے مری خود سے جنگ ہے ڈرتا ہوں مان لوں نہ کہیں ہار خود سے میں
صد شکر مجھ کو دولتِ ایمان مل گئی
یعنی خود اپنی ذات کی پہچان مل گئی دل کی نظر سے میں نے جو دیکھی یہ کائنات ہر شئے جو تھی مفسرِ قرآن مل گئی
نخلِ امید کو یوں سینچ رہا ہے کوئی
دستِ نازک میں محبت کا اثر ہو جیسے
دنیا نے جسے لینے سے انکار کیا تھا
وہ غم بھی مرے واسطے سوغات میں آئے