زلف و جبیں کی کشمکش اہلِ چمن سے کہہ گئی
صبحِ بہار کے لیے شرطِ شب دراز ہے
Category: شاعری
جھلک پیدا ہوئی شورِ جرس میں نوحہ خوانی کی
حدودِ عشق میں داخل ہوا جب کارواں میرا
دل کے تمام راز تو چہرے چھپا گئے
ہے کس کی آستین میں خنجر ، تلاش کر
جو بوند بوند کو ترسے خرد کے صحرا میں
جنوں سے ملتے تو دریا تلاش کر لیتے
تجھ سے بھی داد چاہے گا بھرپور وار کی
قاتل کو اپنا زخم دکھانے سے فائدہ
بچا کے رکھیے گا آئینۂ جنوں نجمیؔ
خرد ہے سنگ بداماں نہ جانے کب کیا ہو
ہزاروں راستے ہیں راہزن سے بچ نکلنے کے
مگر رہبر کی نیت ہی بدل جائے تو کیا کیجیے
دیارِ زہر فروشاں میں لے چلو امرت
اور اُس کو بانٹ دو لوگوں میں حوصلہ کر کے
سنگ ریزے ہی ملے شہر میں آ کر بھی ہمیں
سُن کے آئے تھے یہاں لعل و گُہر ملتے ہیں
دے کوئی تیشہ ہاتھ میں اے وقت ! یا بتا
رنج و الم کی سخت چٹانوں کو کیا کروں