وہ درد و داغِ دل تھا کہ سوزِ آہ و اشک
دنیا نے ہر حسابِ الم ، بیش و کم لیا
Category: شاعری
اک کُھلا منظر بھی پس منظر میں تھا
خانہ ویرانی کا عالم ، گھر میں تھا
یہ صنم تو صنم کدوں کے ہوئے
ڈھونڈ لو اب نیا خدا کوئی
چہرہ کسی کا ہے تو یہ پیکر کسی کا ہے
پہچانیے کہ آدمی یہ کس صدی کا ہے
بیانِ غم کے لیے ، شرحِ آرزو کے لیے
کہاں سے لاؤں زباں اُن سے گفتگو کے لیے
رہبر ملے ، رفیق ملے ، ہم سفر ملے
لیکن تلاش جس کی ہے وہ راہزن کہاں
جو دیکھیے تو بگولہ ہے ریگِ آوارہ
جو سوچیے تو یہی آبروئے صحرا ہے
اک برق سی گری تھی ، اک حشر سا اٹھا تھا
ایسی ہی روشنی تھی جب میرا گھر جلا تھا
یہ شور ، یہ ہنگامہ ، اس محشرِ دنیا میں
اک عمر سے بہتر ہے اک لمحۂ تنہائی
کیوں میرے لب پہ آئی غمِ آگہی کی بات
گستاخیٔ خرد کی سزا ہے تمام عمر