کعبہ بنائیے کہ کلیسا بنائیے
لیکن دل و نظر کو کشادہ بنائیے
Category: شاعری
اک میں اللہ دوجے میں ماں ہوتی ہے
دل کے تو یہ دو ہی خانے ہوتے ہیں
چمن اداس ہے گُل سرنگوں صبا ساکن
تمہارے ساتھ وہ ہنگامۂ بہار گیا
بکھرا کے بال چاک لبادہ نہیں کیا
ہم نے کیا ہے عشق ، تماشا نہیں کیا
سکونؔ اس کا وہ رسماََ ہی مسکرا دینا
غمِ حیات کی ساری تھکن اتار گیا
تیرے لبوں سی نزاکت ہے پنکھڑی میں کہاں
تیرے لبوں کو کبھی پنکھڑی کو دیکھتے ہیں اگرچہ بزم میں بیٹھے ہیں خوش جمال کئی سب اہلِ بزم مگر اک اُسی کو دیکھتے ہیں
اس دور کا عمومی وتیرہ ہے یہ سکونؔ
ایمان بک بھی جائے تو پیسہ بنائیے
میری خوشی تو یہ ہے کہ میری بھی کچھ خوشی
اک غم نصیب شخص کے دامن میں ڈال دے
کوئی سنائے تو سنتا ہوں دردمندی سے
کہ دکھ کسی کا ہو لگتا ہے ہو بہو میرا
نہیں کہ رہتے ہیں اپنے ہی دکھ پر افسردہ
ہمیں تو اوروں کے دکھ بھی نڈھال رکھتے ہیں