جاگتی آنکھوں سے سُندر خواب بُننے کی سزا
زندگی لاحاصلی کی دھوپ میں سنولا گئی
Category: شاعری
ہمیں اک دوسرے سے غم چھپانا آ گیا ہے
ہمـــارے درمیــــاں شــاید زمانہ آ گیا ہے
رکھتا ہے ہمیشہ وہ مِری پیاس ادھوری
خــواہش کا کٹورا کبھی بھرنے نہیں دیتا
ہم نے کچھ خواب ، کچھ اندیشے یہاں بوئے تھے
اور اب چـــاروں طرفــــــــ فصــل ہے حیرانی کی
مِرے سینے میں کچھ دن سے مقیم اک شخص ہے ایسا
جـــــــو خــــــــــود باہَر نہیں آتا ، مجھے اندر بلاتا ہے
دُزدانِ نِیم شب نے بھی حِیلے بہُت کیے
لیکن کِسی کو خـــــواب چُرانے نہیں دِیا
چــــاہتوں کے دائرے میں آؤ دوڑیں ایک ساتھ
تو نے مجھ کو چھو لیا تو میں تِرا ہو جاؤں گا
کل تیرے تشنگاں سے عجب معجزہ ہُوا
دریا پہ ہونٹ رکّھے تو دریا تمــــام شد
پوچھا : گھروں میں کھڑکیاں کیوں ختم ہو گئیں؟
بولی کہ اب وہ جھــــــانکنے والے نہیں رہے
ترے کِــــواڑ سے اٹھتا دھواں بتاتا ہے
کہ میرا آخری خط بھی جلا دیا تو نے