جو حال تھا حیات میں وہ ہے ممات میں
کچھ دوست آ کے ہنس گئے کچھ آ کے رو گئے
Category: شاعری
اب اپنی شکل بھی نظر آتی نہیں ہمیں
آئینۂ جہاں کو لگا زنگ دوستو
ہے ابھی دیر ، ستاروں کے جلاؤ نہ چراغ
شب ابھی آئی نہیں ، شام ابھی باقی ہے
ہم پہ جو گزری سو گزری در حدیثِ دیگراں
داستانِ نوش و عیش و نیش و سَم لکھتے رہے
سمجھے تھے ہم خموش تھی اپنے قدم کی چاپ
کیا جانے کیوں یہ رہ گزر گونجتی رہی
دیر و حرم کو دیکھ لیا خاک بھی نہیں
بس اے تلاشِ یار نہ در در پھرا مجھے
بیٹھتا ہے ہمیشہ رندوں میں
کہیں زاہد ولی نہ ہو جائے
پردے سے پوچھتے ہو ترا دل کہاں ہے اب
پہلو میں میرے آؤ تو کہہ دوں یہاں ہے اب
سمجھ لیا کہ یہی ہے ہماری قسمت میں
رہا ملال تو کوئی ملال ہی نہ رہا
سینہ صدف کا ہم نے غربت میں چاک دیکھا
سچ ہے بری بلا ہے غم دوریٔ وطن