لہجہ حسین شخص کا منظر سے کم
لہجہ حسین شخص کا منظر سے کم نہیں قصہ کرے بیان تو قصہ دکھائی دے اندر کی آنکھ سے بھی کبھی اس کی سمت دیکھ وہ شخص رو رہا ہے جو ہنستا دکھائی دے
Category: قطعہ
لہجہ بھی اس کا سرد ہے موسم بھی سرد ہے
ایسے میں میرا خون بھی جمتا دکھائی دے سانسیں ہیں بند اور ہے خاموش دھند بھی لب کھول کچھ تو بول کہ رستہ سجھائی دے
اِس دور کے گھور اندھیرے میں اک یاد سہارا دیتی ہے
جب بھی میں بھٹکنے لگتا ہوں منزل کا اشارہ دیتی ہے طوفاں کے تھپیڑے سہتا ہوں اور سوچتا ہوں کب آئے گی وہ موجِ اماں جو آوارہ کشتی کو کنارا دیتی ہے
ہیں میرے گھر میں چھ افراد ، ساتواں دکھ ہے
مری دعا ہے کہ ساتوں کو میری عمر لگے دعائے عشق پہ آمین کہنے والے ہاتھ خدایا！ یار کے ہاتھوں کو میری عمر لگے
لگا دیا ہے اسے ہم نے کارِ وحشت میں
وہ دل کہ جس سے دھڑکنے کا کام لینا تھا عجیب دشمن جاں ہے کہ ساتھ رہنے دیا جسے گنوا کے کوئی انتقام لینا تھا
برف میں ڈوبی ہوئی پتھر کی سل پر لکھ لیا
برف میں ڈوبی ہوئی پتھر کی سِل پر لکھ لیا یعنی میرا نام اس نے لوحِ دل پر لکھ لیا لکھ لیے ماتھے پہ میرے شعر اس نے صاحبو آسماں کے واقعے کو آب و گِل پر لکھ لیا
جو کچھ بھی میرے شعر ہیں بس میرے شعر ہیں
لایا نہیں خیال گذشتہ صدی کا میں میں خود ہی ایک عہد ہوں اور عہد ساز ہوں پرتو نہیں رہا ہوں کبھی بھی کسی کا میں
رائیگانی کا کسیلا ذائقہ ہونٹوں پہ ہے
عمر اب بے کیف لمحوں کا تسلسل رہ گئی کھا گئی دیمک جبینِ سجدہ ریزِ عجز کو زندگی کی اپسراء محوِ تغافل رہ گئی
دُگنے ہو جاتے ہیں غم ، دِل سے جو مَس ہوتے ہیں
دو سے چار، ایک سے دو، پانچ سے دس ہو جاتے ہیں کیا کہا؟ ہجر گُذارا ہے ؟ چلو بتلاؤ ایک لمحے میں بھلا کتنے برس ہوتے ہیں؟
نبی کے در پر کھڑے ہوئے ہیں درود پڑھتے ہی جا رہے ہیں
نبی کا حق کیا ادا ہو اس سے ہم اپنی جنت سجا رہے ہیں نبی کی آمد کا ہے تقاضہ نبی کی سنت کا بول بالا نبی کے عاشق ، نبی کی سنت ، حیات اپنی بنا رہے ہیں