یہ وقتِ نزع ہے بیمارِ غم کی آخری شب ہے
ستم گر حیلہ جُو اب تو یہ صبح و شام رہنے دے
Category: شعر
لوٹ کر واپس کہاں جائیں گے اب یہ فاصلے
ہر قدم پر ہے اسی کا راستہ لکھا ہوا
فُرصت ملے تو میں بھی کوئی مرثیہ لکھوں
اک دشتِ کربلا مری تنہائیوں میں ہے
جس دور میں انصاف کی آواز دبی ہو
کیا فائدہ اس دور میں فریاد و فغاں سے
دل چاک ہے اور تار سلامت ہیں قبا کے
یہ رسم حسن میرے گریباں سے چلی ہے
نہ گُل کھلے نہ کہیں خواب کی دھنک ٹوٹی
چمن چمن میں یونہی صبح و شام ہوتی رہی
میں محبت ہوں، مجھے آتا ہے نفرت کا علاج
تم ہر اک شخص کے سینے میں مرا دل رکھ دو
نہ جانے کون سی مٹی میں جا کے جذب ہوا
ہمارے قطرۂ خوں کا حساب تک نہ ملا
پتھروں کے سوداگر آئینوں سے لڑتے ہیں
وقت کی صلیبوں پر خوں ہوا ہزاروں کا
تھک کر بیٹھا کہاں مسافر ، راہ میں ہمت ہار گیا
ناداں اتنا جان نہ پایا منزل تھی دو گام کے بعد