نہ مرے زخم کھلے نہ ترا رنگ حنا
نہ مرے زخم کھلے ہیں نہ ترا رنگ حنا موسم آۓ ہی نہیں اب کے گلابوں والے
Category: شعر
وہ جو آسودۂِ ساحل ہیں انہیں کیا معلوم
اب کے موج آئی تو پلٹے گی کنارے لے کر
پردیس میں رہ کے کوئی کیا پاؤں جمائے
گملے میں لگے پھول کی قسمت ہی الگ ہے
پوچھا نہیں تھا ہم نے جوانی میں وقت کو
اب وقت پوچھتا ہے ، جوانی کدھر گئی
پھر سے بارش نے ہلایا ہے کسی گھر کا ستوں
ایک دیوار کے گرنے کی خبر آئی ہے
چھپ کر نگاہ شوق سے دل میں پناہ لی
چھپ کر نگاہِ شوق سے دل میں پناہ لی دل میں نہ چھُپ سکے تو رگِ جاں میں آ گئے
کیوں لوگوں سے مہرو وفا کی آس لگائے بیٹھے ہو
کیوں لوگوں سے مہر و وفا کی آس لگائے بیٹھے ہو جھوٹ کے اس مکروہ نگر میں لوگوں کا کردار کہاں
یوں لگتا ہے اگلی باری اپنی ہے
جب بھی کوئی اپنی عمر کا جاتا ہے
یہ بھی کیا کم ہے کہ دونوں کا بھرم قائم ہے
یہ بھی کیا کم ہے کہ دونوں کا بھرم قائم ہے اس نے بخشش نہیں کی ہم نے گزارش نہیں کی
یہ داغ داغ اجالا یہ شب گزیدہ سحر
وہ انتظار تھا جس کا یہ وہ سحر تو نہیں