تیرے دکھ درد بھلانے کو محبت کر لی
زہر ہی زہر کا تریاق ہوا کرتا ہے
Category: شعر
نیکیاں ! اپنی اپنی لے آؤ
میں نے دریا سے بات کر لی ہے
وقت کے اس نگار خانے میں
سب تماشہ ہیں ، سب تماشائی
یہ تجربہ بھی سخن کے شمار میں آئے
تمھارے ہونٹ بنائے ہیں جب غزل نہ ہوئی
یہ زرد شال میں لپٹی ہوئی حسیں لڑکی
ہمارے گاوں کا موسم اداس کر دے گی
آئینہ ٹوٹ جائے گا اور پھر
عکس چبھتا رہے گا آنکھوں میں
تمھارے گاؤں کی پچھلی طرف پہاڑی ہے؟
وہیں پہ دیکھا تھا اک روز خواب میں تم کو
جتنا چھڑکا ہے تو نے زخموں پر
اتنا کھایا نہیں نمک تیرا
ذرا سی دیر میں آنے کا کہہ گیا تھا کوئی
ذرا سی دیر بڑی دیر سے نہیں آئی
میں دن ہوں ، ڈھونڈتا رہتا ہوں شام تک اس کو
وہ رات ہے ، مجھے خوابوں میں آ کے ملتی ہے