بدن سے لپٹے رہے بے زمینوں کے عذاب
تلاشِ رزق کی خاطر جدھر جدھر بھی گئے
Category: شعر
یہ جان کر کہ محبت نہیں مروّت ہے
ہم التفاتِ دلِ دوستاں سے دور رہے
کیوں میری جڑیں جا کے زمیں سے نہیں ملتیں
گملے کی طرح صحن میں رکھا ہوا کیوں ہوں؟
شہریت کھو چکا تیری مگر اے ارضِ وطن
” میں گیا وقت نہیں ہوں کہ پھر آ بھی نہ سکوں ”
غمِ فراق بھی ہے اور سکونِ قلب بھی ہے
جُدا ہوا ہے کوئی جیسے عمر بھر کے لیے
ویرانیٔ نگاہ اب اس انتہا پہ ہے
تیری ہنسی بھی جس کا مداوا نہ کر سکے
تیری صورت سے عیاں ہو کر رہا
ہم چھپاتے ہی رہے دل کا ملال
کچھ غمِ عشق کے سوا بھی ہے
غمِ ہستی ترے خزینے میں
آساں تو نہیں ہے کہ اس کو بھلا سکوں
لیکن اتر بھی جاتے ہیں دریا چڑھے ہوئے
نہیں ایک منزل بھی رہبر کے پاس
مری گمرہی کے ہزاروں مقام