کوئی سبز منظر دکھائی نہ دے گا
لہو رنگ موسم ہے حدِ نظر تک
Category: شعر
چھت دھوپ کی ہے اور در و دیوار درد کے
وعدوں کا یہ مکان بڑا خوشنما سا ہے
کبھی ہے پھول کبھی خارزار ہے ساحرؔ
کبھی ہے موم کبھی خشت و سنگ ہے دنیا
رو رو کے گئے ہوں گے اب نیند کی بانہوں میں
بچوں کے سسکنے کی آواز نہیں آتی
میں نے اسے سنوارا ہے جتنا بھی ہو سکا
اب زندگی کو مجھ سے شکایت نہیں رہی
وہ بوجھ ہی رہے گا زمانے کے دوش پر
وہ شخص جس کے ہاتھ میں کوئی ہنر نہیں
ہر گام پہ پڑتی ہے ضرورت بھی اسی کی
ساحرؔ کو زمانے سے شکایت بھی بہت ہے
ساحرؔ نظر آئے ہیں آثارِ سحر مجھ کو
شاید مری دنیا میں چمکے گا نیا سورج
سائے کی جستجو میں کہاں دربدر پھروں
کھڑکی سے تو بھی گھر میں مرے آ رہی ہے دھوپ
پہلو میں جس کے دل نہیں دردِ جگر نہیں
وہ آدمی کا عکس ہے اصل بشر نہیں