گو تُم نہیں ہو پہلوئے عاشق میں آج کل
لیکن تمہاری یاد ہے دل میں بسی ہوئی
Category: شعر
دوزخ مجھے منظور گناہوں کی سزا میں
اللہ نہ دکھائے مجھے لاہور کی گرمی
ہے باعثِ آزار ابھی تم کو مری یاد
وہ وقت بھی آئیگا مجھے یاد کرو گے
مٹ چلے ہیں دل سے کچھ کچھ داغ ہائے آرزو
پھر چمک اٹھیں نہ اس ظالم کو ہنستا دیکھ کر
دل چھوڑ کر جگر کو ستانے سے فائدہ ؟
وہ بھی غریب دل کی طرح بے زبان ہے
دکھائے خوب محبت نے سبز باغ مجھے
ملا نہ نخلِ وفا کا کہیں سراغ مجھے
سزائے حرفِ تمنا زیانِ جاں ہی سہی
کوئی تو حرفِ تمنا زبان پر لائے
یہی وہ وقت ہے جب حسبِ وعدہ کوئی آئے گا
یہ ان قدموں کی آہٹ ہے یا دل میرا دھڑکتا ہے
چُنے پھول دستِ تمنا نے کتنے
مگر پھر بھی دامن ہے خالی کا خالی
وقتِ وعدہ کل کسی کے پاؤں کی آئی صدا
خوش خیالی کا برا ہو ، میں یہ سمجھا آپ ہیں