نخلِ امید کو یوں سینچ رہا ہے کوئی
دستِ نازک میں محبت کا اثر ہو جیسے
Category: شعر
دنیا نے جسے لینے سے انکار کیا تھا
وہ غم بھی مرے واسطے سوغات میں آئے
راہِ جنوں میں جوش کا عالم نہ پوچھیے
رکھا جہاں قدم ، اُسے صحرا بنا دیا
اے جوشؔ اُن کو ڈھونڈا زمانے میں چار سو
بیٹھے ہوئے تھے وہ دلِ خانہ خراب میں
دار و رسن کا نام بھی آتا نہ تھا جنہیں
وہ حسنِ اتفاق سے منصور ہو گئے
پیرِ مغاں کے ساتھ ہوئی جب سے دوستی
اُس دن سے دوستو بڑے آرام سے رہے
اے جان آرزو وہ قیامت سے کم نہ تھے
کاٹے ترے بغیر جو غربت میں چار دن
ہم حدیثِ لب و رخسار سنائیں کس کو
لوگ دیوانہ سمجھتے ہیں گزر جاتے ہیں
اس عہد کے لوگوں میں مرا نام نہیں ہے
صد شکر کہ مجھ پر کوئی الزام نہیں ہے
اک عمر کٹ گئی اسی اضطراب میں
وہ کون شخص تھا جسے دیکھا تھا خواب میں