غم کو رفیق جان کے اپنا رہا ہوں میں
راس آئے یا نہ آئے یہ قسمت کی بات ہے
Category: شعر
جن کے دلوں میں اہلِ محبت کے راز ہیں
ایسے بھی کچھ درخت مسافر نواز ہیں
خیالِ راہبر بھی اب تو دل پر بار ہوتا ہے
یہ کس منزل میں لے آئیں مجھے گمراہیاں میری
لوگ مری اس مجبوری پر کہتے ہیں بے ڈھنگا ہوں
تن ڈھانپوں تو پیٹ ہے خالی ، پیٹ بھروں تو ننگا ہوں
اپنے انجام کی کیا فکر کروں اے ساقیؔ
میرا انجام نئے دور کا آغاز بھی ہے
سائے میں کبھی اور کبھی دھوپ میں دیکھا
میں نے اسے ہر رنگ میں ہر روپ میں دیکھا
تم پہ کھل جائے گی دنیا کی حقیقت کیا ہے
تم بھی دنیا کی نگاہوں سے اتر کر دیکھو
تیرگی حلقۂ زنجیر نظر آئے گی
آج کی رات ذرا ذکرِ سحر کر
راس اب کے ہمیں شہرِ ستمگر نہیں آیا
یارو کسی جانب سے بھی پتھر نہیں آیا
بند ایسے بھی نہ ذہنوں کے دریچے رکھو
کچھ نہ کچھ رابطہ باہر کی ہوا سے رکھو