بچے بڑے حساس ہوا کرتے ہیں ان پر
ظاہر کبھی غربت کے مفاہیم نہ کرنا
Category: شعر
ملال یہ ہے کہ ہم آبرو سے جی نہ سکے
خیال یہ ہے کہ عزت سے مر کے دیکھتے ہیں
میں ہار گیا بے لڑے ، جب میرے مقابل
میداں میں مری گود کے پالے نکل آئے
زلفوں میں جن کی میں نے سجائے لہو کے پھول
یارو انہیں کے ہاتھ سے پتھر لگے مجھے
اندھیری رات میں تاروں کے جھرمٹ جب چمکتے ہیں
ہزاروں زرنگار آنچل تصور میں جھلکتے ہیں
ربطِ باہم سے دل آویز ہیں اجزائے بہار
ورنہ یہ گل کدہ بیگانۂ رعنائی ہو
دل ہوا چاک تو آئی یہ جگر سے آواز
ترکشِ ناز میں کیا اور کوئی تیر نہیں
زلف و جبیں کی کشمکش اہلِ چمن سے کہہ گئی
صبحِ بہار کے لیے شرطِ شب دراز ہے
جھلک پیدا ہوئی شورِ جرس میں نوحہ خوانی کی
حدودِ عشق میں داخل ہوا جب کارواں میرا
دل کے تمام راز تو چہرے چھپا گئے
ہے کس کی آستین میں خنجر ، تلاش کر