میں شگفتہ ہوں بہت اب بھی سرِ شاخِ صلیب
سنگ ساروں سے کہو ، مشقِ ستم فرمائیں
Category: شعر
میں پھول بھی ہوں ، زخم بھی ، خوشبو بھی ، درد بھی
گلشن کی موجِ رنگ بھی ، صحرا کی گرد بھی
ہم پھٹے حالوں کی چادر ہے حیات
اِس کو اوڑھیں کہ بچھائیں یارو !
وہ درد و داغِ دل تھا کہ سوزِ آہ و اشک
دنیا نے ہر حسابِ الم ، بیش و کم لیا
اک کُھلا منظر بھی پس منظر میں تھا
خانہ ویرانی کا عالم ، گھر میں تھا
یہ صنم تو صنم کدوں کے ہوئے
ڈھونڈ لو اب نیا خدا کوئی
چہرہ کسی کا ہے تو یہ پیکر کسی کا ہے
پہچانیے کہ آدمی یہ کس صدی کا ہے
بیانِ غم کے لیے ، شرحِ آرزو کے لیے
کہاں سے لاؤں زباں اُن سے گفتگو کے لیے
رہبر ملے ، رفیق ملے ، ہم سفر ملے
لیکن تلاش جس کی ہے وہ راہزن کہاں
جو دیکھیے تو بگولہ ہے ریگِ آوارہ
جو سوچیے تو یہی آبروئے صحرا ہے