اک برق سی گری تھی ، اک حشر سا اٹھا تھا
ایسی ہی روشنی تھی جب میرا گھر جلا تھا
Category: شعر
یہ شور ، یہ ہنگامہ ، اس محشرِ دنیا میں
اک عمر سے بہتر ہے اک لمحۂ تنہائی
کیوں میرے لب پہ آئی غمِ آگہی کی بات
گستاخیٔ خرد کی سزا ہے تمام عمر
یہ زندگی کا دشت ، یہ محرومیوں کی دھوپ
بیٹھیں کہاں کہ سایۂ دیوار بھی نہیں
اُس شوخ کی محفل میں کیا عالمِ زنداں تھا
ہر سمت نگاہوں کی زنجیر نظر آئی
میں ڈھونڈتا ہوں شمعِ تجسس لیے ہوئے
گذری ہوئی حیات کے نقش و نگار کو
ریت پر سلسلۂ آبِ رواں ڈھونڈتا ہوں
اپنے اسلاف کے قدموں کے نشاں ڈھونڈتا ہوں
دنیا سے کیا امید کہ ڈھونڈے گی کل ہمیں
احباب تو مزار کا پتھر بدل گئے
مری مشکل کا حل کوئی نہیں ہے
تیرا نعم البدل کوئی نہیں ہے
کعبہ بنائیے کہ کلیسا بنائیے
لیکن دل و نظر کو کشادہ بنائیے