اک میں اللہ دوجے میں ماں ہوتی ہے
دل کے تو یہ دو ہی خانے ہوتے ہیں
Category: شعر
چمن اداس ہے گُل سرنگوں صبا ساکن
تمہارے ساتھ وہ ہنگامۂ بہار گیا
بکھرا کے بال چاک لبادہ نہیں کیا
ہم نے کیا ہے عشق ، تماشا نہیں کیا
سکونؔ اس کا وہ رسماََ ہی مسکرا دینا
غمِ حیات کی ساری تھکن اتار گیا
اس دور کا عمومی وتیرہ ہے یہ سکونؔ
ایمان بک بھی جائے تو پیسہ بنائیے
میری خوشی تو یہ ہے کہ میری بھی کچھ خوشی
اک غم نصیب شخص کے دامن میں ڈال دے
کوئی سنائے تو سنتا ہوں دردمندی سے
کہ دکھ کسی کا ہو لگتا ہے ہو بہو میرا
نہیں کہ رہتے ہیں اپنے ہی دکھ پر افسردہ
ہمیں تو اوروں کے دکھ بھی نڈھال رکھتے ہیں
یہ جسم ناتواں میرا اور اُس پر یہ فغاں میری
بڑی حیرت سے صورت تک رہا ہے آسماں میری
مدت سے اپنی جان پہ کھیلے ہوئے ہیں ہم
یہ سر جدا ہے جسم سے یا تم رقیب سے