نصیحت اپنی رہنے دے رہِ الفت میں اے ناصح
پڑی ہے تجھ کو سمجھانے کی اپنا دم نکلتا ہے
Category: شعر
یہ بھی کیا طرزِ دلربائی ہے
دل کی فریاد دلربا نہ سنے
اُس کو جنت بھی عطا ہو تو جہنم سمجھے
جس پہ سایہ ہے تیرے کوچے کی دیواروں کا
دو قدم چل کے دکھا دو تو قیامت کا مزا
حشر سے پہلے ہی اک محشر بپا ہونے لگے
جب سے گم ہوگیا ہے دل اپنا
چیز رکھتا ہوں بھول جاتا ہوں
اُسے کسی سے محبت نہ تھی مگر اُس نے
گلاب توڑ کے دُنیا کو شک میں ڈال دیا
چلے بھی آؤ کہ حجت تمام ہو چکی ہے
دِیا جلانے کا مطلب ہے شام ہو چکی ہے
اُس نے پوچھا کہ کوئی آخری خواہش آزر
میں نے اک نام لکھا اور قلم توڑ دیا
جاگتی آنکھوں سے سُندر خواب بُننے کی سزا
زندگی لاحاصلی کی دھوپ میں سنولا گئی
ہمیں اک دوسرے سے غم چھپانا آ گیا ہے
ہمـــارے درمیــــاں شــاید زمانہ آ گیا ہے