اپنے دلِ تباہ کا مجھ کو نہ کچھ ملال تھا
تیرے خیال نے مگر رات رُلا رُلا دیا
Category: شعر
ہم تو یونہی کبھی کبھی کہتے ہیں چھیڑ سے غزل
پیشہ وروں پہ کیا بنی ، اہلِ زباں کو کیا ہوا
یہ سحر کبھی تو ٹوٹے گا ، یہ خبط کبھی تو پُھوٹے گا
یہ سناٹا ، یہ خاموشی ، مجبورِ فغاں ہو جائے گی
یاروں کو بزمِ لالہ رخاں ہی میں چھوڑ کر
ہم خاک بن کے کوئے بُتاں سے نکل گئے
جو حال تھا حیات میں وہ ہے ممات میں
کچھ دوست آ کے ہنس گئے کچھ آ کے رو گئے
اب اپنی شکل بھی نظر آتی نہیں ہمیں
آئینۂ جہاں کو لگا زنگ دوستو
ہے ابھی دیر ، ستاروں کے جلاؤ نہ چراغ
شب ابھی آئی نہیں ، شام ابھی باقی ہے
ہم پہ جو گزری سو گزری در حدیثِ دیگراں
داستانِ نوش و عیش و نیش و سَم لکھتے رہے
سمجھے تھے ہم خموش تھی اپنے قدم کی چاپ
کیا جانے کیوں یہ رہ گزر گونجتی رہی
دیر و حرم کو دیکھ لیا خاک بھی نہیں
بس اے تلاشِ یار نہ در در پھرا مجھے