پہلے تو راکھ ہو گئی چـــــوپال گاؤں کی
پھر یوں ہوا کہ لوگ کہانی سے ڈر گئے
Category: شعر
اُس نے کاغذ پہ کوئی پھــــول بنا کر بھیجا
اور اُس پھول سے آنے لگی مہکار مجھے
جـــــو دیکھتا ہے مجھـے’ دیکھتا ہی رہتا ہے
میں اِک نگینہ ہوں اور آنکھ میں جَڑا ہوا ہوں
ہم کو ہمـــــــــــاری نیند بھی واپس نہيں مِلی
لوگوں کو اُن کے خواب جگا کر دیئے گئے
مَیں نہایت شــــــــریف آدمی ہوں
کیا تجھے ڈر نہيں لگا مجھ سے
میں ایک پھول ہوں کیچڑ میں مسکراتا ہوا
میں سانس لیتی ہوئی زندگی کا آدمی ہوں
ستم میں بھی تکلف کر رہے ہیں آج وہ شاید
تڑپ بڑھ کر میری وجہِ سکون دل نہ بن جائے
اس میں تو شک نہیں ہے کہ تاریخ ساز ہوں
شیداؔ یہ اور بات ہے میں بے نیاز ہوں
دیکھنا ہے نگہہِ برق کی حد کتنی ہے
آشیاں اور بنا لیں گے عنادل کی طرح
اگر منزل کا سودا ہے ، عمل میں استقامت لا
جہاں والے اسی کو کاوشِ پیہم بھی کہتے ہیں