مکافاتِ عمل خود راستہ تجویز کرتی ہے
خدا قوموں پہ اپنا فیصلہ جاری نہیں کرتا
Category: شعر
دامانِ کرم راہ کے اشجار بنے ہیں
ہے دھوپ اگر تیز تو سائے بھی گھنے ہیں
عارضِ جاناں کا بوسہ غیر قانونی نہیں
مُہر لگ جائے گی کاغذ مُستند ہو جائے گا
خواب میں رات اسے میں نے خفا دیکھا تھا
دن میں وہ ساتھ رہا خواب کی دہشت نہ گئی
ہوائے تند غبارِ سحر کو چاٹ گئی
فصیلِ شب پہ چمکتا رہا ، لکھا میرا
موسمِ عشق جو آیا تو قیامت لایا
پھر وہ موسم تو گیا اور قیامت نہ گئی
آدمی عیب سے بچتا رہے، یہ بھی ہنر ہے
آپ انصاف سے کہیے ، یہ ہنر ہے کہ نہیں ہے
نامیؔ غبارِ فکر و نظر چَھٹ گیا تو کیا
مانگے ہوئے اُجالے نقیبِ سحر نہ تھے
میرے اندر بھی اندھیرا ہے بہت
روشنی ! اے روشنی ! میری طرف
میں تو سچی بات کہہ سکتا ہوں اب بھی برملا
فرق آ جائے گا لیکن دوستوں کے درمیاں