تنہا تو دو جہاں کا سفر کر چکا ہوں میں
اُٹھا نہ اک قدم بھی مگر رہنما کے ساتھ
Category: شعر
ممکن نہیں چمن میں دونوں کی ضد ہو پوری
یا بجلیاں رہیں گی یا آشیاں رہے گا
مری فنا کا نہایت بلند رتبہ ہے
چراغِ صبح نہیں آفتابِ شام ہوں
کارفرمائی معمارِ تخیل کیا ہے
کوئی تعمیر در و بام سے آگے نہ بڑھی
ان سے مرے مزاج کی آسودگی نہیں
کھلنے کو پھول لاکھ کھلے ہیں بہار میں
میری غیرت اجازت ہی نہیں دیتی اسے پہنوں
مجھے مانگا ہوا پیرہن اچھا نہیں لگتا
آنے جانے سے ہی قائم ہیں جہاں کے رشتے
آنا جانا ہے تو پھر دیوار میں در رہنے دو
کسی کے ہاتھ میں کاسہ کسی کے ہاتھ میں جھاڑو
کھلونے ہاتھ میں لے کر کوئی بچہ نہیں نکلا
رہنے کے یہ جہان اب قابل نہیں رہا
تعمیر اس کی بارِ دگر ہونی چاہیے
اپاہج اور بھی کر دیں گی یہ بیساکھیاں تجھ کو
سہارے آدمی سے استقامت چھین لیتے ہیں