میں جب بھی بات کرتا ہوں وہ مجھ کوٹوک دیتا ہے
میں جب بھی بات کرتا ہوں وہ مجھ کو ٹوک دیتا ہے مرا بیٹا ہی مجھ کو معتبر ہونے نہیں دیتا
Category: شعر
اکثر مری حیات مجھے اجنبی لگی
جینے کے عزم مرنے کے تیور لیے ہوئے
اس آخری مکاں کو گرا دے نہ زلزلہ
آ جا ستون بن کے مرا گھر سنبھال دے
جانے وہ کیسے سمجھتا ہے مکمل خود کو
مرنا آتا نہیں جینے کے ہنر ڈھونڈتا ہے
میں بھی جواب دینے سے معذور ہو گئی
اور اس کے پاس اور سوالات بھی نہیں
ہمارے سامنے منزل کی بات مت کرنا
ہمارے واسطے بس راستہ ہی کافی ہے
شیشۂ دل سے نہیں آہ و فغاں سے نکلیں
کرچیاں درد کی نکلیں تو کہاں سے نکلیں
دنیا سے نبھانے کا سلیقہ بھی ہے مجھ میں
اور پیش نظر رہتا ہے ہر دم مرے گھر بھی
تخیل کی، تصور کی، تغزل کی، تاثر کی
غزل کے نرم لہجے میں سخن کی بات کی جائے
یہ اور بات کہ میں اُس کی ماتحت نہ رہی
مگر تھا ناز مجھے اس کی حکمرانی پر