جوہری کے پاس آ جائے تو جنسِ بے بہا
دستِ بے توقیر میں ہیرے کا ٹکڑا کچھ نہیں
Category: شعر
کس کی تلاش ہے کہ ہر اک رہ گذر کو میں
یوں دیکھتا ہوں جیسے کوئی چیز کھو گئی
کتنے چہرے ہیں مرے گرد سوالوں کی طرح
کس کو اپناؤں ، کسے راہ کا پتھر جانوں
اُفق پر دھواں سا یہ کیا اُٹھ رہا ہے
ترے حق میں ظالم دعا ہو رہی ہے
گلستاں کا ہر گوشہ اپنے حال میں گُم ہے
بُوئے گُل کہاں ٹھہرے ، کس طرف صبا جائے ؟
سمجھ رہے ہیں کہ محفوظ ہیں بلاؤں سے
کمال یہ ہے کہ بیٹھے ہیں سب کگاروں پر
اب سے نہیں اول سے ہوں مشتاقِ نظارہ
آنکھوں سے نہیں نیند مقدر سے اُڑی ہے
نوحہ کناں ہے روضے پہ شرمندہ سا فرات
عباس ! روتا رہتا ہے پانی تمہارے بعد
یہ صبح کی آغوش میں کھلتا ہوا منظر
اک سلسلۂ شب کی گرانی سے ملا ہے
گرتی ہے تو گر جائے یہ دیوارِ سکوں بھی
جینے کے لیے چاہیے تھوڑا سا جنوں بھی