فکر و نظر نے کھولے کتنے رموزِ ہستی
لیکن کُھلا نہ اُس کی پہلی نظر میں کیا تھا
Category: شعر
کہاں یہ ہوش کہ کچھ اہتمام ہم کرتے
یہ بام و در تیرے آنے سے جگمگائے ہیں
ہر چند وقفِ یاس ہے تصویرِ کائنات
اے دل مگر وہ حسن کا پیکر بھی دیکھ لے
اس کاروبارِ عقل سے گھبرا گیا ہے جی
کوئی سُنے تو دل کا بھی کچھ ماجرا کہیں
اب ہم کو رہ گیا ہے بس اتنا خوشی سے کام
جب ہو سکا نہ ضبطِ الم ، مسکرا دئیے
تقدیر میں قوموں کی معلوم نہیں کیا ہے
صدیوں کے جو بُت ٹوٹے لمحوں کے خدا آئے
حشر یہ کالی گھٹائیں اور توبہ کا خیال
حشرؔ یہ کالی گھٹائیں اور توبہ کا خیال تم یہیں بیٹھے رہو میں سوئے میخانہ چلا
دعا ہو اثر کچھ نہ ہو، یہ نہیں ممکن
اثر دعا کیلئے ہے دعا اثر کے لئے
اب کنج لحد میں ہوں میسر نہیں آنسو
آیا ہے شب ہجر کا رونا مرے آگے
تیرا وعدہ نہیں تو تو کیا ہے
آدمی کیا وہ جسکی بات نہیں