جو سانس بھی آتی ہے گزرتی ہے قیامت
دن زیست کے یارب ہیں کہ لوہے کے چنے ہیں
Category: شعر
ملنے لگی ہے عام تو پینا بھی کم ہوا
قلت کے ختم ہوتے ہی بہتات بھی گئی
تم لوگ اب بھی نیک ہو حیرت کی بات ہے
تم کو کسی گناہ کا موقع نہیں ملا
یہاں دو لفظ بھی سوجھے نہیں تم سے جدا ہوتے
وہاں شاعر نے پورا شعر اس منظر پہ لکھا ہے
اس عہد میں کیا رکھا تھا جس پہ بسر ہوتی
کیا ہوتا جو ورثہ میں ملتا نہ خدا مجھ کو
آفت رسیدہ زیست پہ حیدرؔ یہ اوجِ فکر
قسمت زمیں ملی ہے مزاج آسماں مجھے
عشق کی چوٹ تو پڑتی ہے دلوں پر یکسر
ظرف کے فرق سے آواز بدل جاتی ہے
چمن والوں سے مجھ صحرا نشیں کی بودو باش اچھی
بہار آ کر چلی جاتی ہے ویرانی نہیں جاتی
جا تجھے مژدۂ وصال دیا
ہائے کیا بات کہہ کے ٹال دیا
تمہاری راہ میں مٹ تو رہے ہیں
ثبوتِ زندگی دیں اور ہم کیا؟