کیا کہا عشق جاودانی ہے!
کیا کہا عشق جاودانی ہے آخری بار مل رہی ہو کیا
Category: شعر
عشق معشوق عشق عاشق ہے
یعنی اپنا ہی مبتلا ہے عشق
عشق پھر عشق ہے آشفتہ سری مانگے ہے
ہوش کے دور میں بھی جامہ دری مانگے ہے
عشق ہی عشق ہے جہاں دیکھو
سارے عالم میں بھر رہا ہے عشق
وجودِ عشق سے انکار کرنے والا تھا
کہ عین وقت مرے سامنے سے تو گزرا
تمہارے ساتھ یہ موسم فرشتوں جیسا ہے
تمہارے بعد یہ موسم بہت ستائے گا
روؤں تو خوش ہو کے پیے ہے وہ مے
سمجھے ہے موسم اسے برسات کا
سبھی موسم ہیں دسترس میں تری
تو نے چاہا تو ہم ہرے رہیں گے
وہ تو اک سادہ و کم شوق کا طالب نکلا
ہم نے ناحق ہی گنوایا اسے آرائش میں
یہی دعا ہے رہیں سبز ہی ترے موسم
خدا کبھی نہ دکھائے تجھے ملال کے دن