کس کی آہٹ سے یہ سویا ہوا دل جاگ اٹھا
کر دیا کس کی صدا نے ہمہ تن گوش مجھے
Category: شعر
ہاں جنوں خیزیٔ دل رہن مســــرت نہ ہوئی
خوش ہوئی وحشت غم جب رسن و دار ملے
کتنے بھی ہوں خلیق و دل آویز و پُر تپاک
لیکن یہ جیسے پہلے تھے ویسے کہاں ہیں لوگ؟
اتنی مدت تو سلگتا نہیں رہتا کچھ بھی
اور کچھ ہو گا جسے دل کا دُھواں لکھتے ہو
دل کے اندر بھی کوئی تجھ سا کہاں تھا لیکن
دل کے باہر بھی کوئی تیرے برابر نہ ہوا
آج تقسیمِ عشق ہو ہی گئی ، اپنے اپنے حساب مانگ لئے
میں نے اپنی کتاب مانگی تو اس نے اپنے گلاب مانگ لئے
کبھی ملے تو بتاؤں گی اپنی آپ بیتی
کئی زمانے ہوئے میں خود سے نہیں ملی ہوں
آپ نے ہاتھ کیا چھڑایا ہے
جسم پتھر سا ہو گیا میرا
دیکھ رہا تھا ہنستی کھیلتی آنکھوں کو
جانے کیسے آنکھ اچانک بھر آئی
میری حسرت پہ طنز ہے کہ نہیں؟
میرے احساس سے خفا رہنا