آپ کی سرکار سے جو کچھ ملا اچھا لگا

آپ کا لایا ہوا سلام ہی، اسلام ہے

آپ کے اسلام کا پیرو سدا اچھا لگا

آپ کے اصحاب سے باتیں سنی ہیں آپ کی

آپ نے اصحاب سے جو کچھ کہا اچھا لگا

آپ نے استاد کے آداب سکھلائے ہمیں

درس گاہِ صفہّ میں درس آپ کا اچھا لگا

آپ گزرے ہیں جہاں سے نقشِ رحمت زیر پا

ہر قدم پر گلکدہ کھلتا گیا اچھا لگا

بالِلّسان اقرارِ حق، بالقلب ہے تصدیق حق

ہاں! یہ آمنّا صَدقنَا برملا اچھا لگا

مرتفین مکہ بھی آخر مسلماں ہو گئے

یہ نظارۂ حق پسند و حق ادا اچھا لگا

مجھ سے کہتے ہیں حبیب اللہ حاوی شوق سے

آستانِ مصطفیٰ بے انتہا اچھا لگا

میں بھی حاوی سے ہوں رزمی مستفیض ومستفید

نعت اُنھیں کہتے ہوئے میں نے سنا اچھا لگا