ایک منظر پسِ منظر بھی دکھایا جائے

by admin

سانحہ گیارہ ستمبر کے بعد میڈیا کے رویے اور کردار کے حوالے سے لکھی گئی ایک غزل

ایک منظر پسِ منظر بھی دکھایا جائے

لوح سادہ کو پلٹ کر بھی دکھایا جائے

ناتواں ہاتھ میں مجبور سے پتھر کے خلاف

ظلم کا آہنی لشکر بھی دکھایا جائے

سرنگوں مجھ کو دکھاتے ہو بتقریبِ شکست

پھر مری پشت میں خنجر بھی دکھایا جائے

جس کے ساحل پہ ہوئے پیاس کے مارے باغی

منصفوں کو وہ سمندر بھی دکھایا جائے

وہ جو رکھے گئے مصروفِ تماشائے نشاط

ان کو محرومی کا منظر بھی دکھایا جائے

سوزن دستِ رفوگر کی نمائش دیکھی

اب اُس استین کا خنجر بھی دکھایا جائے

پس کردار جو چہرے تھے ڈرامے میں ظہیرؔ

اُن کو بہروپ ہٹا کر بھی دکھایا جائے

ایک منظر پسِ منظر بھی دکھایا جائے

لوح سادہ کو پلٹ کر بھی دکھایا جائے

ناتواں ہاتھ میں مجبور سے پتھر کے خلاف

ظلم کا آہنی لشکر بھی دکھایا جائے

سرنگوں مجھ کو دکھاتے ہو بتقریبِ شکست

پھر مری پشت میں خنجر بھی دکھایا جائے

جس کے ساحل پہ ہوئے پیاس کے مارے باغی

منصفوں کو وہ سمندر بھی دکھایا جائے

وہ جو رکھے گئے مصروفِ تماشائے نشاط

ان کو محرومی کا منظر بھی دکھایا جائے

سوزن دستِ رفوگر کی نمائش دیکھی

اب اُس استین کا خنجر بھی دکھایا جائے

پس کردار جو چہرے تھے ڈرامے میں ظہیرؔ

اُن کو بہروپ ہٹا کر بھی دکھایا جائے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Releated

جو کچھ بساطِ دستِ جنوں میں تھا ، کر چکے

سو بار جی چکے ہیں تو سو بار مر چکے واجب نہیں رہی کوئی تعظیم اب تمہیں ہم مسندِ خدائے سخن سے اتر چکے تم کو فنا نہیں ہے اساطیر کی طرح ہم لوگ سرگزشت رہے تھے گزر چکے یوں بھی ہوا کے ساتھ اڑے جا رہے تھے پر اک ظاہری اڑان بچی تھی سو […]

by admin

اپنے تصورات کا مارا ہوا یہ دل

لوٹا ہے کارزار سے ہارا ہوا یہ دل صد شکر کہ جنون میں کھوٹا نہیں پڑا لاکھوں کسوٹیوں سے گزارا ہوا یہ دل آخر خرد کی بھیڑ میں روندا ہوا ملا اک مسندِ جنوں سے اتارا ہوا یہ دل تم دوپہر کی دھوپ میں کیا دیکھتے اسے افلاک نیم شب کا ستارا ہوا یہ دل […]

by admin