ہر سمت نصب ہیں تیرے علم ، اے میرِ اُمم

دُنیا میں مجھے ُرسوا نہ کیا میں عاصی تھا

محشر میں بھی رکھ لینا یہ بھرم ، اے میرِ اُمم

ترے نام کا جب بھی ورد کیا اے شاہ عرب

موقوف ہوئے سب رَنج و اَلم ، اے میرِ اُمم

نمناک نگاہوں سے اکثر اک حسرت سے

تکتے رہتے ہیں سوئے حرم ، اے میرِ اُمم

تیری یاد نہیں جاتی دل سے، اے راحتِ جاں

کوشش بھی کریں کیوں ایسی ہم ، اے میرِ اُمم

توصیف کو لفظ نہیں ملتے، شایانِ شاں

پھر کیسے کریں توصیف رقم ، اے میرِ اُمم

اشفاقؔ ہوا ترے در کا گدا، اشفاقؔ ہی کیا!

ترے در کے گدا ہیں اہلِ حشم ، اے میرِ اُمم