معلیٰ
’’شاید کبھی لگی تھی کسی کی دعا مجھے‘‘
حیرت سے دیکھتے ہیں سبھی اغنیا مجھے
اتنا مرے نبی نے کیا ہے عطا مجھے
رکھتا ہوں دل میں خواہشِ دیدارِ شہرِ نور
لے چل درِ حضور پہ بادِ صبا مجھے
مانگا ہے میںنے ان کے وسیلے سے جب کبھی
رب نے دیا ہمیشہ طلب سے سَوا مجھے
دیدارِ مصطفی ہی مرے غم کا ہے علاج
دیتے رہو طبیبو! کوئی بھی دوا مجھے
اعزاز کم نہیں ہے یہ آصف مرے لیے
پہچانتے ہیں طیبہ کے سارے گدا مجھے
پھر اٹھا ولولہ یاد مغیلان عرب پھر کھنچا دامن دل سوئے بیابان عرب باغ فردوس کو جاتے ہیں ہزاران عرب ہائے صحرائے عرب ہائے بیابان عرب میٹھی باتیں تری دینِ عجمِ ایمان عرب نمکیں حسن ترا جان عجم شان عرب اب تو ہے گریۂ خوں گوہر دامان عرب جس میں دو لعل تھے زہرا کے […]
کلیاں کھلیں دلوں کی ہوا یہ کدھر کی ہے کھبتی ہوئی نظر میں ادا کس سحر کی ہے چبھتی ہوئی جگر میں صدا کس گجر کی ہے ڈالیں ہری ہری ہیں تو بالیں بھری بھری کشتِ اَمل پری ہے یہ بارش کدھر کی ہے ہم جائیں اور قدم سے لپٹ کر حرم کہے سونپا خدا […]