بلاد عشق کی ہر رہگذر میں رہتے ہیں
سفر کا کیا ہے ازل سے سفر میں رہتے ہیں
ہتھیلیوں پہ سجا کر چراغ وصف نبی
ہوا کے ساتھ ہمیں بحر و بر میں رہتے ہیں ہیں
طواف گنبد خضرا میں عمر کٹ جائے
عجیب شوق مرے بال و پر میں رہتے ہیں
یہی نجات کا باعث بنیں گے محشر میں
جو آبگینے مری چشم تر میں رہتے ہیں
در نبی ہے فقط ان کا مرکز و محور
خیال و خواب جو آزفتک سر میں رہتے ہیں
کرم کا ایک سمندر ہے موجزن ہر سو
غریب شہر بھی ان کی نظر میں رہتے ہیں
اماں ہمارا مقدر ہے اس لیے کہ ریاض
حصار رحمت خیر البشر میں رہتے ہیں