پرتو محبوبِ یزداں مرشدی نواب شاہ

بہہ نہ جائے اشک کے سیلاب میں میرا وجود

کب مٹے گا داغِ ہجراں مرشدی نواب شاہ

دل کی دنیائیں ہیں روشن جسکی آب و تاب سے

ہیں وہ خورشید درخشاں مرشدی نواب شاہ

دور کر دو آج شامِ غم کی تاریکی تمام

ہو مرا دل صبحِ رخشاں مرشدی نواب شاہ

عاشقوں کے واسطے تو جنت الفردوس ہے

آپ کا صحن گلستاں مرشدی نواب شاہ

ڈھونڈ کر ثانی نہ لا پائی تمہارا آج تک

تھک چکی ہے چشمِ دوراں مرشدی نواب شاہ

کچھ ضرورت ہی نہیں باقی بیانِ حال کی

آپ پر ہے سب نمایاں مرشدی نواب شاہ

آپکی نسبت ہے مجھ کو باعث صد افتخار

اے فروغ دین و ایماں مرشدی نواب شاہ

اے امام العارفیں اے واقفِ سرِ نہاں

آپ ہیں ہر دل کا ارماں مرشدی نواب شاہ

اپنے دامن میں چھپا لینا مجھے بھی حشر میں

کچھ نہیں بخشش کا ساماں مرشدی نواب شاہ

نورؔ کو بھی دولت صبر و رضا کر دو عطا

ہے سخاوت تم پہ نازاں مرشدی نواب شاہ