مولا ہر شے تجھ پہ قربان ہے

سارے نبیوں میں رتبہ ہے بالا ترا

اور سب سے بڑا تو ہی انسان ہے

تجھ کو پڑھ کر بسر زندگی ہم نے کی

جس کے قاری ہیں ہم تو وہ قرآن ہے

تو نے بخشش کی منزل دکھائی ہمیں

ترا ممنون ہر اک مسلمان ہے

تیرے روضے کی جالی کو جو چوم لے

اس کے سب غم مٹیں میرا ایمان ہے

سب نے مانا ہمیں تیرے در کا گدا

یہ گدائی تو مومن کی پہچان ہے

اک چٹائی پہ بیٹھا حکومت کرے

دیکھ لو یہ مدینے کا سلطان ہے

کاش نکلے مرا تیری چوکھٹ پہ دم

ایک مدت سے دل میں یہ ارمان ہے

جب محمد کا سایہ ہے سر پر ترے

کس لیے جوشؔ پھر تو پریشاں ہے