آسماں لگتا ہے انوار کے الحاق سے طاق

جہاں خدامِ نبی رہتے ہوں ان جھونپڑوں میں

بادِ صر صر کو ہَرا دیتے ہیں خاشاک سے ، طاق

فیضِ سرکار، عقیدت کو بنا دے گا چراغ

ہم اگر پیدا کریں عشق میں ادراک سے طاق

اُس دئیے کی ، ہے پناہوں میں ، ہماری ظلمت

جس کی راہوں میں کھڑے رہتے ہیں ” افلاک سے” طاق

پھر سنوارے گا وہی دھند میں بکھری شامیں

ایک لحظے میں نکھر اٹھتے ہیں جس طاق سے طاق

روح کے دیپ کو دی نور محمد سے جِلا

پھر نوازا اِسے خالق نے حسیں خاک سے طاق

بادِ نفرین کبھی ان کے قریب آتی نہیں

جو ضیا بار کئے جاتے ہیں اخلاق سے طاق