آؤ رَل کے گلاں کرئیے ! اَج مدنی سرکار دیاں

جتھے ذکرِ محمدی ہووے اوہ تشریف لیاؤندے نیں

ہستیاں اوہ تشریف لیاون جو طالب دیدار دیاں

واہ وا شہر مکے دی قسمت گلیاں بھاگاں بھریاں نیں

جس مٹی تے لگیاں تَلیاں نبیاں دے سردار دیاں

ابوبکرؓ ، عثمانؓ ، علیؓ تے عمرؓ توں صدقے جاواں میں

رَج رَج گلاں سُنیاں جنہاں اللہ دے اُس یار دیاں

مائی حلیمہؓ دا گھر بھریا سرور پاک دے آون تے

کیہڑیاں کیہڑیاں صفتاں دَساں میں احمد مختار دیاں

عرش تے جاون والا جانے یاں جانے جس سَدیا سی

کیہہ کیہہ گلاں ہوئیاں رب تھیں مولا دے دلدار دیاں

آتش کدہ ایران دا بُجھیا ، کنگرے ڈِگ پئے قیصر دے

خاص نشانیاں ظاہر ہوئیاں آقا دے اظہار دیاں